Sääʹmsuåvtõõzz

Njeäʹllem-Keväjäuʹrr da Njauddâm vuuʹdi sääʹmsuåvtõõzz valmštâʹlle aaʹššid, koid siidsåbbrin ǩiõttʼtâʹlle da âʹnne huõl siidsåbbri mieʹrrõõzzi tiuʹddepiijjmõõžžâst.

Sääʹmsuåvtõõzzi tuâjjan lie uʹvdded ceâlklmid veʹrǧǧniiʹǩǩid saaʹmi jieʹllemvueʹjjid da jieʹllemåårrmõõžžid kuõskki veiddsõs da vuâđđjuurdlaž aaʹššin teʹl, ko äʹšš lij ǩirrsallaš jie-ǥa siidsåbbar vueiʹt noorrõõttâd ääiʹjbeäʹlnn ääʹšš ǩiõttʼtõõllâd.

Lââʹssen sääʹmsuåvtõõzz ouʹdde ceâlklmid jm. puäʒʒ-, šeeʹllem- da kueʹllǩeâmppooccmõõžžin, mäddvuäǯǯamooccmõõžžin di jeeʹres vaʹstteei saaʹmi jieʹllemåårrmõõžžid tâʹlsǩani vaikkteei aaʹššin.

Kuhttu sääʹmsuåvtõʹsse vaʹlljeet kooum eeǥǥas vuârstes nellj vuäzzla da kueʹhtt vääʹrrvuäzzla. Vuäzzla da vääʹrrvuäzzla âʹlǧǧe leeʹd tiuddâkksaž siidâst põõššinalla jälsteei sääʹm leʹbe siʹjji pieʹllkueiʹm.

Kuhttu sääʹmsuåvtõõzz saaǥǥjååʹđteeʹjen tåimm saaʹmi ouddooumaž. Sääʹmsuåvtõõzz vueiʹtte noorrõõttâd õhttsaž såbbra še, koʹst ǩiõttʼtâʹlle saaʹmi õhttsaž aaʹššid.

Njauddâm vuuʹd sääʹmsuåvtõs pââʹjest 2021-2023

vuäzzla: Anna-Katariina Feodoroff, Hanna-Maaria Kiprianoff, Tapio Kiviniemi, Jarno Mäki

vääʹrrvuäzzla: Marjo Semenoff, Tuomas Semenoff

Njeäʹllem-Keväjääuʹr vuuʹd sääʹmsuåvtõs pââʹjest 2021-2023

vuäzzla: Joni Gauriloff, Tauno Haltta, Virve Multasuo, Jukka Tarkiainen

vääʹrrvuäzzla: Heidi Hänninen, Anna Lumikivi