Pop-up restrantt Sääʹmpõrtt noori oummid

Puäʹđ spokoi sääʹmsiidid – Nuõrttsääʹm kultturtuʹriʹsmmhaʹŋǩǩõs riâšši Čeʹvetjääuʹrest restraant åuggan meeraikõskksaž restranttpeeiʹv 16.2.2014. Hueʹnes šõõŋ huõlkani Sääʹmpõʹrtte puõʹtte jiânnai oummid poorrâd da åuggan siõrrâd.

Porrmõšân leʹjje kååraǩveärr, määrf da njipččest pašttum leeiʹb, koid juõǩǩkaž vuäǯǯai jiijj päʹštted.

Puõccin še piâzzi vuejjad Juha Feodoroff puõccivuiʹm, kooi nõõm lie Nappi, Hamlet da Baby.