Iʹlmmtõõđ päärnai sääʹmǩiõllsaž jieʹllikarttleirra!

Meäcchalltõs reäšš pårggmannust Čeʹvetjääuʹrest juʹn kuälmad vuâra sääʹmǩiõllsaž jieʹllikarttleeiʹr. Leeiʹrest tobdstõõđât vuuʹd luõttu da kulttuuʹre da tuejjeet teâđast jieʹllikaartid.

Jieʹllikarttleiʹrr ââʹnet 10.–12.8. Čeʹvetjääuʹrest. Eeʹjj 2015 vuâđđjurddjen leeiʹrest lij nuõrttsääʹmkulttuur.

Leirra liâ Tiõrvv pueʹttmest nuʹtt sääʹmvuuʹdest ko jeeʹres åʹrnn Lääʹddjânnmest jälsteei päärna. Leeiʹr äiʹggen tõbdstõõđât tuâjjpõõrtin jm. jäuʹrrkueʹllšeellmõʹšše sääiʹmin, nuõrttsääʹmkultuuʹre da sij histooʹre di jieʹllikaart raajjmõʹšše. Päärna peäʹsse ǩeeʹrjted jiõčč jieʹllikartt teeʹkst da leeʹd jieʹllikaartâst čuäʹljdõsneʹǩǩen. Jieʹllikaartid čuäʹjtet Yle Sápmi sääʹmǩiõllsaž Unna Junná -päärnaiprograammâst da lââʹssen tueʹjjeet vuäʹnkõs fiiʹlmid Meäʹcchalltõõzz jiijjâs âânnmõʹšše.

Leeiʹrest tuåimmjummuš riâžžât aanarsäämas, nuõrttsäämas da tâʹvvsäämas. Leeiʹrest liâ päärnaid õhttseʹžže 20 päiʹǩǩed: aanar-da nuõrttsääʹmǩiõllsaž päärnaid liâ kuʹtt pääiʹǩ kuhttže da tâʹvvsääʹmǩiõllsaid päärnaid kääuʹc päiʹǩǩed. Pääiʹǩid tiuddeed iʹlmmtõõttâmriâššâm mieʹldd da teʹlko ko koon-ne ǩiõl beäʹlnn kuâđđje kuâras pääiʹǩ, teʹl peäʹsse vääʹrrsâjja jeeʹres ǩiõllsaž päärna jieʹllikarttleirra. Čeʹvetjäurra riâžžâd jååʹđtummuš Âʹvvel da Uccjooǥǥ beäʹlnn pueʹtti vuässõõttjid. Leiʹrr lij vuässõõttjid määusʹteʹmes.

Iʹlmmtõõttmõõžž leirra liâälggam da tõt poott 31.7. Leirra iʹlmmtõõđât neʹttpååʹštest da saaǥǥâst âlgg peäggted päärna nõmm, ââʹǩǩ, ǩiõll di peâmmai õhttvuõđteâđ. Iʹlmmtõõttmõš lij põõšši. Iʹlmmtõõttjid vuõltteed tääʹrǩab iʹlmmtõõttâm blaŋkk da leeiʹr programm. LeirraIʹlmmtum päärnaž, kååʹtt lij puäʹđǩani loʹsses määintää 3.8. suʹst peʹrrjet 50 € pääiʹǩvaʹrrjem-mähss.

Tiõrvv pueʹttmest Čeʹvetjäurra tobdstõõttâd luõttu, kulttuuʹre da jieʹllikaart raajjmõʹšše!

Iʹlmmtõõttmõõžž: Ida Ikonen, ida.ikonen(at)metsa.fi, 040 557 4516

Lââʹssteâđaid leeiʹrest: Ida Ikonen, ida.ikonen(at)metsa.fi leʹbe Pentti Pieski, pentti.pieski(a)metsa.fi