Ǩiõtt-tuâjj

Säʹmmlain lij samai reeʹǧǧes da jiiʹjjesnallšem ǩiõtt-tuâjj äʹrbbvuõtt. Säʹmmlai pihttâz rätkkje jeeʹres säʹmmlai pihttsin. Neezzni äʹrbbvuõđlaid pihttsid kooll ruõššlai da Kaʹrjjli äʹrbbvuâđđvuuʹdest õnnum vuäʹlǧǧkåhtt saarfan, koon õõl sij teâvte vuõpt- tuõrldõõǥǥin da sueʹǧǧin heärvtum čoʹrǧǧes kuurta. Lââʹssen neezzni pihttsid kool keäʹpper: niõđin lij peeʹrvesǩ, kaappjin šaamšâǩ da liâskin ǥõs pooʹvdneǩ, da tõk liâ peittum reʹppǩin. Aainâs põrtstes piârrjiʹnes jälsteʹmmen vueiʹtte märddnalla leeʹd reʹppiǩtaa.

Säʹmmlain lij jiiʹjjesnallšemvuõtt kuärrad peʹssrid pihttsees, laaukid da puäkknjid. Peʹssrid kuärra še oummai sääʹmmpääidaid da peʹlljkeäʹpprid. Kaammjen sij liâ âânnam šeʹšnnkäʹmmid, nueʹrjǩid, uuʹppǩid da kååʹddǩid koid sij ǩieʹsse vuõddjivuiʹm leʹbe kaammikorstõõǥǥin. Puõcci tueʹlljest, kammsin da čååuʹdest liâ veâl raajjâm šeeʹšnǩid, kamspuusid, pieʹccǩid. Vaacc da sookk še leʹjje hiârvtum juõʹǩǩ sooǥǥ jiiʹjjesnallšem mallšin.

Sääʹmräänaid sij liâ kååđđam ceäggmuõrivuiʹm da pieʹssin, muõrin, taauʹdin, vueʹddin liâ raajjâm määŋgnallšem veärstõõzzid.