Haʹŋǩǩõʹsse vuässõõttmõš

Ǩeäss-a tuʹst miõl vuässõõttâd Sääʹmkulttuurfoond Sääʹmpääʹljes-haʹŋǩǩõõzz čiõlǥtemtuõjju?

Mainstâttmõš

Vuäitak vuässõõttâd haʹŋǩǩõʹsse iʹlmmteeʹl haalâst vuässõõttâd tieuʹdeeʹl tän vuäʹnkõs lomaakk. Vuässõõttâd vuäitt juʹn-a âʹldd- leʹbe ougglõsmainstâttmõšan säämas leʹbe lääddas. Jõs jiõk haaʹled vuässõõttâd mainstâttmõʹšše, leša haaʹlääk puʹhtted jurddjääd tiõttu, vuäitak vuässõõttâd še tieuʹdeel kõõjjõslomaakk neeʹttest lääddas leʹbe säämas.

Jõs haaʹlääk vuässõõttâd haʹŋǩǩõʹsse, äjšmâʹttep tuu lookkâd tiõttu vuâđđõõvvi miâsttmõõžž di teâttsuõjjlomaakk, koin vuäǯǯak teâđ vuässõõtti vuõiggâdvuõđin da teâđai seeiltummšest.

Tiõttu vuâđđõõvvi miâsttmõš vuässõõttâd čiõlǥtõʹsse
Teâttsuejjčiõʹlǧǧõs

Kõõjjõsmainstâʹttemlomakk

Vuässõõttmõš: 

Tuu vuässõõttmõš miârkkšââvv, što vuässõõđak kõõjjõsmainstâttmõʹšše, koon teâuddmõš peštt nuʹtt 20–30 minuttâd. Kõõjjõslomaakk vuäitt tieuʹdded juʹn-a lääʹdd- leʹbe sääʹmǩiõʹlle.

Peittast âânnmõš da anonymiteʹtt: 

Puk norrum teâđaid ǩiõttʹtõõlât peittast ââʹneeʹl. Aunstõʹsse jeät norru vuõiʹǧǧest persoonlaž teâđaid, koin oummu pââʹstet tobddâd, leâša teâđ ââʹjjest da jälstempäiʹǩǩ-kååʹddest/gåårdest/siidâst vieʹǩǩte Sääʹmkulttuurfoond ǩiõllmainsteeʹji obbkoov vuäinnmõõžžâst. Ǩeerjlaž čiõlǥtõõzz nooreen ainsmââʹttet, što måtam vuässõõtti jeät vuåittu tõʹst tobddâd. Vuäitak vuässõõttâd mainstâttmõʹšše juʹn-a anonyymâld leʹbe nõõminad. Ǩeerjlaž rapoortâst jeät kuuitâǥ peäggtuku oummuid õõuti mieʹldd leʹbe sij ǩiõččlâsttmõõžžid, peʹce vuäjjnet veiddsab teeʹmid da mainstâttmõõžžâst ouʹdde pueʹtti seämmanallšemvuõđid da jeärtõõzzid.

Tuu vuõiggâdvuäđ vuässõõttjen: 

Vuässõõttmõš lij obbnes jiõččtäättlaž. Vueiʹtlvaž muttsid tuäivat skamm-mannu 2025 loopp räija mõõneeʹst.

Teâđai seeiltummuš: 

Mainstâʹttemaunstõõzz seeiltet suejjuum naaʹlin da tõõzz lij piâssâm tåʹlǩ Sääʹmkulttuurfoond äʹššoummust (Anna-Katariina Feodoroff) di haʹŋǩǩõʹsse päʹlǩǩuum haʹŋǩǩõstuâjjlast (Mirkka Ollila), ko haʹŋǩǩõs lij kõõskrääʹjest. Ko haʹŋǩǩõs poott (30.6.2026) aunstõõzz vuäʹmstummuš serddai Saaʹmi siidsåbbra, leâša vaaldšummuš pääcc Sääʹmkulttuurfoʹndde. Tääʹrǩab teâđ teâđai seeiltummšest da vuässõõtti vuõiggâdvuõđin käunnʹje teâttsuejjʹlmmtõõzzâst, kååʹtt käunnai tän seeidast.

Õhttvuõtt-teâđ da lââʹssteâđ:

Jõs tuʹst lie kõõččmõõžž haʹŋǩǩõõzzâst leʹbe haaʹlääk mâʹŋŋlest leeʹd vuõigg õhttvuõđâst haʹŋǩǩõstuâjjlain, vuäitak leeʹd õhttvuõđâst:
mirkka.ollila@kolttasaamelaiset.fi / 050 371 8827

Vuäitak tieuʹdded kõõjjõslomaakk tääiʹben

Jõs tuʹnne pâjjan tarbb saǥstõõllâd peittast ââʹneeʹl ǩeäin-ne mainstâttmõõžž mâŋŋa, vuäitak leeʹd õhttvuõđâst Sääʹm psykososiaalʹlaž tuärj juâǥǥas Uʹvjje juʹn-a teʹlfoonin soiʹttjeeʹl 040 663 8822 (vu–pi čiâss 8–16) leʹbe liâđǥlaž õhttvuõttväʹlddemlomaakkin (24/7 www.uvja.fi). Lââʹzzen vuäitak še leeʹd õhttvuõđâst tuâjjlai persoonlaž teʹlfon-nââmrid, kook käunnʹje juâkkaz neʹttseeidain.