Arkiiv 2025
Muttâz Sääʹmpõõrt äävaiåårramääiʹjin kålgg- da skamm-mannust neäʹttlin 43 da 45
Čeʹvetjääuʹr Sääʹmpõrtt lij ǩidd kålggmannust ne-pi 23.–24.10 di skamm-mannust ne-pi 6.–7.11. Saaʹmi siidsåbbar koontâr lij ǩidd neäʹttel 43 vu-pi 20.–24.10. di neäʹttel 45 vu-pi 3.–7.11.
Ǩiõlltoobdâlm saǥstõõllâmpodd Âʹvvlest seärad 24.9.2025
Sääʹmteʹǧǧ kåčč saǥstõõllâd sääʹmǩiõl vueʹjj da õõuʹdeem diõtt ǩiõlltoobdâlm teeʹmin Âʹvvla seärad 24.9. čiâss 18–20.
Saaʹmi siidsåbbar noorrâʹtte õhttsaž såbbra vuõssmõs vuâra
Njeäʹllem-Keväjääuʹr da Njauddâm vuuʹdi saaʹmi siidsåbbri õhttsaž sååbbar jäʹrjstet sueʹvet 27.9.2025 čiâss 12.00 ääʹljeeʹl Aanrest Sääʹmvuuʹd škooultemkõõskõõzz Lassikuäʹđest
Njeäʹllem-Keväjääuʹr da Njauddâm vuuʹdi saaʹmi siidsåbbri õhttsaž sååbbar sueʹvet 27.9. Aanrest
Njeäʹllem-Keväjääuʹr da Njauddâm vuuʹdi saaʹmi siidsåbbri õhttsaž sååbbar sueʹvet 27.9.2025 čiâss 12.00 Aanrest Sääʹmvuuʹd škooultemkõõskõõzz Lassikuäʹđest.
Sääʹmpõrtt lij ǩidd jââđa seärad 25.6.
Sääʹmpõrtt Čeʹvetjääuʹrest lij ǩidd jââđa seärad 25.6. tuejjlai vuõssveäʹǩǩškooultõõzz diõtt.
Sääʹmkulttuurfondd juõʹjji ǩeâđđa 2025 stipeeʹndid späʹssbõšân da älšmâttmõšân sääʹmǩiõl mättʼtõõttjid
Sääʹmkulttuurfondd juõʹjji tän ǩiiđ stipeeʹndid 61 škooulnekka leʹbe mättʼtõõttja
Sääʹmpõrtt lij ǩidd sueiʹnnmannust
Čeʹvetjääuʹr Sääʹmpõrtt lij ǩidd 30.6.–1.8.2025 kõõskâst.
Sääʹmkulttuurfoond da Saaʹmi siidsåbbar tuejjla Dääʹrj põõrtâst mââibaarǥ 27.5.
Pueʹtted tiõrvân Njeäʹllma Dääʹrj põʹrtte mââibbarǥ 27.5. čiâss 11.00-15.30 kõõskâst saǥstõõllâd ääiʹjpoddsaž aaʹššin da kaaunõõttâd Sääʹmkulttuurfoond da Saaʹmi siidsåbbar tuejjlain
Sääʹmpõrtt lij ǩidd piâtnâc 9.5. da seärad 14.5.
Sääʹmpõrtt lij ǩidd piâtnâc 9.5.2025 da seärad 14.5.2025.
Sääʹmkulttuurfoond Sääʹmpääʹljes-haʹŋǩǩõs lij älggam – haʹŋǩǩõstuejjliʹžžen lij alttääm Mirkka Ollila
Lääʹddjânnam Kulttuurfondd miõđi Sääʹmkulttuurfoʹndde 80.000 euʹrred Sääʹmpääʹljes-haʹŋǩǩõʹsse, koon mieʹrren lij seʹlvvted sääʹmǩiõl vueʹjj da ǩiõl ââʹnnem õudldõõzzid läʹddlaž õhttsažkååʹddest. Haʹŋǩǩõs lij ååʹn älggam.
Sääʹmkulttuurfoond ođđ halltõs lij alttääm toiʹmmjummšes
Halltõs noorõõđi vuõssmõs vuâra 6.3.2025. Halltõõzz saaǥǥjååʹđteeʹjen juätkk Heidi Hänninen da väärrsaaǥǥjååʹđteeʹjen saaʹmi ouddooumaž Veikko Feodoroff.
Sääʹmkulttuurfondd da Saaʹmi siidsååbbar Heʹlssnest 27.–28.2.2025
Sääʹmkulttuurfondd da Saaʹmi siidsååbbar kaaunõʹtte MMM eeʹttǩeeʹjivuiʹm da vuässõʼtte Lääʹdd Kulttuurfoond eeʹǩǩprääznka Heʹlssnest 27.–28.2.
Äävai uus Čeʹvetjääuʹr škooul ođđ määŋgtåimmpõõrtâst seärad 22.1.
Čeʹvetjääuʹr škooul ođđ määŋgtåimmpõõrtâst lie seärad 22.1. ääʹljeeʹl čiâss 17.00 äävai uus šõddmõš.