Čeʹvetjääuʹr Siid tuâjjpõrtt lij loopptam tän ǩiiđ

Mõõnni čõõuč ääʹljeeʹl äävai åårram Čeʹvetjääuʹr Siid tuâjjpõrtt lij täʹbbe äävai mââimõs peeiʹv.
Tääʹlv ääiʹj Siid tuâjjpõõrtâst vuässäiggsen reâuggam Taisto maainast, što põõrt lij õnnum viiššlânji da määŋg čeʹvetjäuʹrrneeʹǩǩ lie jååttam toʹben. Sijddneeʹǩǩin lie leämmaž juõʹǩǩnallšem tuâi da teevvmõõžž tuejjeemnalla tääʹlv ääiʹj. Ǩiõtt-tuâjjla še joʹtte pääiʹǩ âʹlnn jiânnai. Späʹssbõõššâp siid oummui peäʹlest Taisto suu reâuǥ da šiõǥǥ vuäʹpstõõzz diõtt.
Nuõrttsääʹmkulttuurfondd tuäivv, što vuäǯǯ čâhčča ođđ tieʹǧǧid Siid tuâjjpõõrt ääʹveem vääras nuʹtt što sijddneeʹǩǩ vuäiʹtte tõn eʹpet ââʹnned.