Sääʹmpääʹljes-haʹŋǩǩõõzz loppseminaar 2026

Sääʹmkulttuurfondd jääʹrjast kueiʹtpeivvsaž seminaar sääʹmǩiõl vueʹjjest vueʹssen Sääʹmpääʹljes-haʹŋǩǩõõzz teâđmaacctem Aanar Sajoozzâst 17.–18.9.2026.  

Sääʹmkulttuurfondd viiǥǥi iiʹjjin 2025-2026 čõõđ čiõlǥtemhaʹŋǩǩõõzz, mâʹst kartteeš sääʹmǩiõl âânnmõõžž oudldõõzzid läʹddlaž õhttsažkååʹddest. Tarbb čiõlǥtõʹsse pâjjni sääʹmõutstõõzzâst da haʹŋǩǩõõzz viʹǩǩeš čõõđ õutstõõzz vaaldšummšest da vuäʹpstummšest di ââʹneeʹl äuʹǩǩen õutstõõzz jiiʹjjes teâđ da ǩiõččlâsttmõõžžid. Čiõlǥtõõzz vuõigg täävtõssân leäi vuäǯǯad obbkoov ǩiõllââʹnnemvuäittmõõžžin da -areenain di tobdsted tõid vaʹǯǯtõõzzid da pottâlčeäpptid, kook meälǥee ǩiõl âânnmõõžž, luâđlaž serddjummuž da jieʹllemviõkksiʹžžen põõššmõõžž. Čiõlǥtõs šõõddi kueiʹt obbvuõđâst: sääʹmǩiõllõutstõõzz mainstâttmõõžžin da čõõnâsjooukid čuäjtum kõõjjõõzzâst.

Seminaar lij jurddum nuʹtt säʹmmlaž ko še läʹddlaž õhttsažkååʹdd jeeʹres toiʹmmjeeʹjid da vuäzzlaid. Sääʹmǩiõl pueʹttiääiʹj diõtt taarbšet veiddsõs õhttsažtuej pâiʹl õhttsažkååʹdd sektor-raaji. 

Tuäivvap seminaaʹre jeäʹrben tuʹmmstõktuejjeeʹjid, teäggteeʹjid da sääʹmõutstõõzz taarbid vuâđđõõvvi čåuddmõõžžid raajji õõudâsviikkjid di škooultõõzz, sosiaal- da tiõrvâsvuõttsueʹrj, kulttuur da jeeʹres kõskksaž suõʹrji toiʹmmjeeʹjid. Täävtõsân lij puʹhtted õʹhtte tõid, ǩeäin lij vuäittmõš vaaikted ǩiõl sâjja, resuursid, kääzzkõõzzid da ǩiõlʼlaž vuõiggâdvuõđi teâuddjummša.

Seminaar programm (vuäinak prograamm šuurben kaart teäʹddleeʹl):

Prograʹmme sätta šõddâd muttâz.

Ougglõsvuässõõttmõš lij vueiʹtlvaz Zoom pääiʹǩ:

Sääʹmpääʹljes-haʹŋǩǩõõzz loppseminaar ougglõsvuässõõttâmliŋkk

Vuäitak vaʹlljeed ǩiõl (sääʹmǩiõll/lääʹddǩiõll) Interpretation-vaʹlljstõõǥǥâst.

Lââʹssteâđaid ouʹdde:

Anna-Katariina Feodoroff-Seurujärvi, tåimmjååʹđteei

anna-katariina.feodoroff@kolttasaamelaiset.fi / 050 364 6249

Mirkka Ollila, projeʹktt-tuejjlaž

mirkka.ollila@kolttasaamelaiset.fi