Sääʹm ǩiõtt-tuejjäʹrbb 2025–2027

Sääʹmkulttuurfondd lij alttääm määŋgekksaž haʹŋǩǩõõzz, koon täävtõsân lij staaneed sääʹm ǩiõtt-tuejjääʹrb, sääʹm ǩiõtt-tuejj juätkkjemvuõđ da tääid siirdčummuž pueʹtti puõlvvõʹǩǩe, nuõrid.

Haʹŋǩǩõõzzâst jäʹrjstet säʹmmlai dommvuuʹd škoouli sääʹmǩiõllsaž mättʼtõõzz jooukid di ǩiõll-laauǥmättʼtummša šiõttlõs ǩiõtt-tuejj-tuejjpääʹjjtoiʹmmjummuž. Tuejjpaaʹjin pääikla ǩiõtt-tuejjneeʹǩǩ kõʹllʼje škooulin da õutstõõzzin di seʹrdde jiiʹjjez ǩiõtt-tuejjtääidaid. Haʹŋǩǩõõzz loopp-peäʹlnn lij ǩiõtt-tuejjteʹsttjummuž sääʹmǩiõllsaž mättʼtõõzz vueʹlltääʹzz jooukin, koʹst škooulneeʹǩǩ peäʹsse tobdstõõttâd jeeʹres vuuʹdi ǩiõtt-tuejjniiʹǩǩi toiʹmmjummša.

Haʹŋǩǩõs aaʹlji čâhčča 2025 da juätkkai eeʹjj 2027 loopp räjja. Haʹŋǩǩõõzz vaaldšummšest vaʹsttad Sääʹmkulttuurfondd da toiʹmmjummšest da jäʹrjstõõllmõõžžin ǩiõtt-tuejjneǩ da haʹŋǩǩõõzz ideâsttam Tuula-Maija Magga-Hetta.

Haʹŋǩǩõõzz budjeʹtt lij 123 000 euʹrred da teäggtõõzz lij miõttâm Lääʹdd Kulttuurfoond Kueʹddtemõhttõs rõ (Suomen Kulttuurirahaston Kannatusyhdistys ry).

Mâid, mõʹnt da ǩeäzz?

Tieʹttemvuõtt da silttõs sääʹm ǩiõtt-tuejjääʹrbest lij teänab pâi uuʹccab jooukâst. Haʹŋǩǩõõzz täävtõsân lij-i staaneed sääʹm ǩiõtt-tuejjääʹrb, sääʹm ǩiõtt-tuejj juätkkjemvuõđ da tääid siirdčummuž pueʹtti puõlvvõʹǩǩe. Ǩiõđtääidai mättʼtummuš pueʹtti puõlvvõõǥǥid ooudald jieʹlli õhttvuõđ päärnai da nuõri di ǩiõtt-tuejjääʹrb siltteeʹji kõõskâst.

Ååʹn plaanuum toiʹmmjummuš šâdd sääʹmkulttuur väimmvuuʹdest. Toiʹmmjummuž lij Aanrest, Uccjokk-Nuorgam vuuʹdest, Âʹvvel-Njeäʹllem vuuʹdest, Vuâččast, Karigasnjaarǥâst, Čeʹvetjääuʹrest, Hettast, Karesuvantost da Kilpisjääuʹrest.

Haʹŋǩǩõʹsse vuässõõttmõš lij määustem.

Lââʹssteâđaid haʹŋǩǩõõzzâst ouʹdde

Sääʹmkulttuurfoond tåimmjååʹđteei Anna-Katariina Feodoroff-Seurujärvi
teʹl. 050 364 6249
anna-katariina.feodoroff@kolttasaamelaiset.fi

Ǩiõtt-tuejjneǩ Tuula-Maija Magga-Hetta
teʹl. 0400 191474

Lääʹdd Kulttuurfoond Kueʹddtemõhttõõzz tåimmjååʹđteei Antti Niskanen
teʹl. 09 6128 1273
antti.niskanen@skr.fi