Sääʹmpääʹljes-haʹŋǩǩõõzz loppseminaar da teâđmaacctem

Sääʹmkulttuurfondd jääʹrjast kueiʹtpeivvsaž seminaar sääʹmǩiõl vueʹjjest vueʹssen Sääʹmpääʹljes-haʹŋǩǩõõzz teâđmaacctem Aanar Sajoozzâst 17.–18.9.2026.  

Seminaar vuâđđââvv iiʹjjin 2025-2026 čõõđ vikkum Sääʹmpääʹljes-haʹŋǩǩõõzz ǩeerjlaž čiõlǥtõõzz vuâmmšõõzzid kuõskeeʹl jeäʹrben  čõõnâsjooukid väjldââʹttǩâni ǩiõllõutstõõzz taarbid. Seminaarâst täʹrǩstõõlât läʹddlaž da säʹmmlaž õhttsažkååʹdd rool sääʹmǩiõl jeälltummuž da jieʹllemviõkkvuõđ jeeʹres vueʹssvuuʹdin paneeʹlsaǥstõõllmõõžži da tuejjpaaʹji hääʹmest. 

Seminaar lij jurddum nuʹtt säʹmmlaž ko še läʹddlaž õhttsažkååʹdd jeeʹres toiʹmmjeeʹjid da vuäzzlaid. Sääʹmǩiõl pueʹttiääiʹj diõtt taarbšet veiddsõs õhttsažtuej pâiʹl õhttsažkååʹdd sektor-raaji. 

Tuäivvap seminaaʹre jeäʹrben tuʹmmstõktuejjeeʹjid, teäggteeʹjid da sääʹmõutstõõzz taarbid vuâđđõõvvi čåuddmõõžžid raajji õõudâsviikkjid di škooultõõzz, sosiaal- da tiõrvâsvuõttsueʹrj, kulttuur da jeeʹres kõskksaž suõʹrji toiʹmmjeeʹjid. Täävtõsân lij puʹhtted õʹhtte tõid, ǩeäin lij vuäittmõš vaaikted ǩiõl sâjja, resuursid, kääzzkõõzzid da ǩiõlʼlaž vuõiggâdvuõđi teâuddjummša. 

Lââʹssteâđ prograammâst puäʹtte sõrgg.