Arkiv

Kategoria
November 20, 2026

Haaʹlääk-a toiʹmmjed pääʹjjneʹǩǩen Čeʹvetjääuʹr tuejjpõõrtâst?

Čeʹvetjääuʹr määŋgtåimmpõõrt vuäǯǯat pukveeʹzz ââʹnnma eeʹjjvaajtõõzzâst 2026–2027. Sääʹmkulttuurfondd haaʹlad juäʹtǩǩed põõrtâst juʹn ääiʹjben toiʹmmjam tuejjpõrtt-toiʹmmjummuž. Ođđ sââʹj da mašina poʹhtte kuuitâǥ mieʹldes jiiʹjjes vasttõõzzid, õõlǥtemvuõđid da vuâkkõõzzid, koon diõtt täʹst õõudårra teeknlaž tuej sââʹj vuäǯǯ ââʹnned pâi teʹl, ko pääiʹǩ âʹlnn lij ââʹnnemškooultõõzz vuäǯǯam ooumaž.


Sääʹmkulttuurfondd ååcc jiõččtäättlaž pääʹjjniiʹǩǩid leʹbe pääʹjjmästtrid ââʹnnemškooultõʹsse. Jiõččtäättlaž pääʹjjneʹǩǩen toiʹmmjummuš miârkkšââvv, što pââstak leeʹd tuejjpõõrtâst 1–8 vuâra määnpââʹjest. Mieʹrr lij ǩidd tõʹst, mâʹmmet pääʹjjniiʹǩǩid vuäǯǯap. Pääʹjjnekka jeäʹt mahssu pääʹlǩ, peʹce tuejj lij jiõččtäättlaž. Mõõn jäänab pääʹjjniiʹǩǩid pâʹsttep škooulted mašinai da sõõʹji ââʹnnma, tââʹđ pueʹrben vueiʹttep ââʹnned tuejjpõõrt äävai õutstõʹsse jiõččtooimlaž tuejjummša mieʹrrkõõski.

Sääʹmkulttuurfoond täävtõssân lij vuäǯǯad ââʹnnemškooultõʹsse mieʹldd 3–5 ooumžed, što pääʹjjneeʹǩǩ vuäiʹtte jueʹǩǩed vuâraid tuejjpõõrt äävaiåårram ääiǥas. Täävtõssân lij, što tuejjpõrtt vuäitči leeʹd äävai mieʹrrkõõski uuʹccmõsân kueiʹt vuâra neäʹttlest juʹn-a neäʹttel-loopp leʹbe arggpeeiʹv škooulpeeiʹv mâŋŋa.

Iʹlmmet täättstad pääʹjjneeʹǩǩ tuõjju ja ââʹnnemškooultõʹsse vuõltteeʹl neʹttpååʹšt addrõʹsse info@kolttasaamelaiset.fi mââibaʹrǧǧe 1.12.2026 mõõneeʹst. Ǩeeʹrjet tuu saaǥǥâst, muʹvddem vuäittmõõžž tuʹst lie leeʹd tuejjpõõrtâst di måkam silttõs da motivaatio tuʹst lie tuõjju.


Lââʹssteâđaid oudd

Anna-Katariina Feodoroff-Seurujärvi
anna-katariina.feodoroff@kolttasaamelaiset.fi
050 364 6249


Kategoria