Nauddâmjooǥǥ kueʹllšeeʹllemlooʹvi miõttummuš ekka 2019

Meäʹcchalltõs meâtt Njauddâmjooǥǥ kueʹllšeeʹllemlooʹvid Čeʹvetjääuʹrest 21.5.2019 čiâss 10-14. Vuäitak tiʹll’jed lååʹv ooudǩiõʹtte Meäʹcchalltõõzz Âʹvvel ääʹššlai kääzzkâʹsttempääiʹǩest teʹlfon 0206397701 leʹbe neʹttpååʹštin ivalo@metsa.fi.

Njauddâmjooǥǥ kueʹllšeeʹllemšeâttmõõzz mieʹldd miõđât looʹvid luõss-šeeʹllmõʹšše sääiʹmivuiʹm piârrjid, kook jälste Čeʹvetjääuʹr da Njauddâm siidin põõššinalla. Saaʹmid šeeʹllemlååʹv lie määuʹsteʹm, jeeʹres šiiʹllji säiʹmm- da vuäggamlooʹvin âlgg mäʹhssed.