Sääʹmfiiʹlm 19.3. Čeʹvetjääuʹr škooulâst

Nuõrttsääʹmkultturfondd reäšš eʹpet Sääʹmfiiʹlm-šõddmõõžž. Tän vuâra teemmen lie 1960- da 1970-lååǥǥ. Jieʹllikaarti lââʹssen puätt Sonja Tanhua da maainast suu tuʹtǩǩuummuž pirr, koon nõmm lij “Kolttasaamelaiset lehdistössä vuosina 1964 – 1972.”
Šõddmõõžžâst puuʹtet õlmmsa ǩeeʹrj Piânnaitieʹrm põõrtâst. Tõt lij jåårǥlõttum säämas Mauri Kunnas ǩeeʹrjest Koiramäki. Šõddmõš lij määusteʹm da pukid äävai. Toʹben kaaupšet kaaʹf škooulneeʹǩǩi pueʹrren. Pueʹtted tiõrvân!