Saaʹmi ouddooumaž
Saaʹmi õhttsaž aaʹšši hoiʹddjed da saaʹmi ouddõõzzid vuåppâd vueiʹtet vaalin vaʹlljeet saaʹmi ouddooumaž, koon tuåimmpââʹjj lij seämma ǥu sääʹmsuåvtõõzzi vuäzzlain.
Sääʹmsuåvtõõzzi õhttsaž sååbbar vaʹlljad ouddooumže vääʹrroummu, kååʹtt hoiʹddai ouddoummu tuâjaid, jõs ouddoummu lij cõggnam leʹbe cõgldem vuâllsaž.
Saaʹmi ouddooumaž da suu vääʹrrooumaž âʹlǧǧe leeʹd sääʹmvuuʹdest jälsteei sääʹmǩiõllčeäʹpp nuõrttsääʹm, kook lie tuõjju põʹstti.
Ouddoummu tuâjjan lij jm. ââʹnned huõl saaʹmi siidsåbbri da sääʹmsuåvtõõzzi õʹhtte kåččmõõžžâst di tõi tuejjeem tuʹmmstõõǥǥi tiuʹddepiijjmõõžžâst, uʹvdded teâđaid da vuäʹpsted ooccâd da ââʹnned ouddõõzzid, koid saaʹmid miõttât di seuʹrrjed lääʹjjšiõttummuž, veʹrǧǧniiʹǩǩi tuʹmmstõõǥǥid da jeeʹres tuåimid, koin vuäiʹtte leeʹd vaikktõõzz saaʹmi piʹrǧǧummša da jeeʹres jieʹllemåårrmõõžžid.
Saaʹmi ouddooumaž pââʹjest 2021-2023 lij Veikko Feodoroff.