Siidsåbbar
Njauddâm da Njeäʹllem-Keväjääuʹr vuuʹdin âʹnne siidsåbbar kuhttu vuuʹdin uuʹccmõsân õõut vuâra eeʹjjest.
Siidsåbbrin ǩiõttʼtâʹlle čuäjtõõzzid da ceâlklmid saaʹmi jieʹllemvueʹjjid da jieʹllemåårrmõõžžid kuõskki veiddsõs da vuâđđjuurdlaž aaʹššin.
Mieʹrreemvääʹld siidsåbbrin vueiʹtte ââʹnned såbbra vuässõõtti tiuddâkksa siidâst põõššinalla jälsteei sääʹm da siʹjji pieʹllkueiʹm. Jõs såbbrest ǩiõttʼtõõllâm vuâlla åårrai äʹšš kuõskat jeeʹres oummu ouddõõzzid leʹbe vuõiggâdvuõđid, lij suʹst peäggtum vueʹzzin vuäittmõš vuässõõttâd såbbra da ââʹnned särnnamvääʹld toʹben.
Siidsååbbar lij mieʹrreemvääldlaž, ko pääiʹǩ âʹlnn lie 10 tiuddâkksa siidâst põõššinalla jälsteei sääʹm leʹbe siʹjji pieʹllkueiʹm. Siidsåbbar vuäiʹtte noorrõõttâd õhttsaž såbbra saǥstõõllâd da mieʹrreed kuhttu siidi kuõskki õhttsaž aaʹššin.
Siidsåbbrin vuässõõttmõš lij tääʹrǩes nuʹtt vaaldâšmriâšldõõǥǥ toiʹmmjummuž ko äʹrbbvuõđ ooudâsviikkmõõžž diõtt. Siidsåbbar lie vaaldâšmriâšldõõǥǥ ââʹlmõs mieʹrreei orgaan da siidâst jälsteei saaʹmi aktiivlaž vuässõõttmõš såbbrid lij sijddsååbbar-riâšldõõǥǥ jieʹllem-mäinn.