Sääʹmkulttuurfoond da Saaʹmi siidsåbbar tuejjla Njeäʹllmest piâtnâc 31.5.

Pueʹtted tiõrvân Dääʹrj põʹrtte piâtnâc 31.5. čiâss 11–13 saǥstõõllâd ääiʹjpoddsaž aaʹššin Sääʹmkulttuurfoondin da Saaʹmi siidsåbbrin

Sääʹmvuuʹdest jäʹrjste ǩieʹzz äiʹǧǧen jiânnai šõddmõõžžid, jeäʹrbi mieʹldd aazztõkškooulmooštaid ǩiõttʼtõõlli saǥstõõllâmpoodd Čeʹvetjääuʹrest da såbbrid säʹmmlai paacctõõzzi maacctummšest Njeäʹllmest da Taar peäʹl Njauddmest di påʹrǧǧmannust säʹmmlai aazztummuž 75-eeʹjjprääʹzniǩ.

Sääʹmkulttuurfoondâst lie ǩiiđ 2024 äiʹǧǧen alttääm ođđ äʹššooumaž da tällõs- da toiʹmmjemassisteʹntt. Anna-Katariina Feodoroff lij alttääm foond äʹššooumžen njuhččmannu looppâst da Kaisja Semenoja lij alttääm foond tällõs- da toiʹmmjemassisteʹntten vueʹssmannust.

Vuäitak pueʹtted kaaunõttâd Sääʹmkulttuurfoond da Saaʹmi siidsåbbar tuejjlaivuiʹm Dääʹrj põʹrtte da saǥstõõllâd ǩieʹzz šõddmõõžžin, ääiʹjpoddsaž aaʹššin di jurddjin da vuârddmõõžžin Sääʹm kulttuurfoond da Saaʹmi siidsåbbar toiʹmmjummuž kuõskeeʹl. Saaʹmi siidsååbbar oudd še teâđ da vuäʹpstummuž õuddmiârkkân sääʹmlääʹjj meâldlaž veäʹǩǩvuõđi ooccmõʹšše da kueʹllǩiâmppaaʹššin.

Dääʹrj põõrtâst vuäitak kaaunõõttâd Sääʹmkulttuurfoond äʹššooumaž Anna-Katariina Feodoroffin, tällõs- da toiʹmmjemassisteʹntt Kaisja Semenojain da eeʹjj 2024 aalǥâst saaǥǥjååʹđteeʹjen alttääm Heidi Hänninenin di Saaʹmi siidsåbbar piisar Terhi Harjuin.

Tiõrv pueʹttmest!

Hoʹhssjeʹǩed, što Sääʹmkulttuurfoond da Saaʹmi siidsåbbar Čeʹvetjääuʹr Sääʹmpõõrt konttâr jie leäkku piâtnâc äävai.